Cенат раиси Минскда Александр Лукашенко билан учрашди
Шунингдек, жорий йил охири ёки келаси йил бошида Лукашенконинг Ўзбекистонга ташрифи кутилмоқда.
Учрашувда Лукашенко ўзининг Тошкентга ташрифи Беларусь ва Ўзбекистон ўртасида дипломатик муносабатлар ўрнатилганининг 30 йиллигида амалга оширилганини урғулаган.
“Беларусь муносабатларни ривожлантиришга ва ҳар қандай технологияни баҳам кўришга тайёр. Биз сизни доим қўллаб-қувватлаймиз, чунки сизнинг тинчликсеварлик, қўшнилар ва бошқа давлатлар билан дўстона муносабатлар йўлингиз бизнинг ҳам йўналишимиздир”, – деган у.
Лукашенко Беларуснинг ШҲТга аъзо бўлиши масаласида кўрсатилаётган ёрдам учун Ўзбекистонга миннатдорчилик билдирган.
У, шунингдек, Ўзбекистон президенти Шавкат Мирзиёев уни Ўзбекистонга таклиф қилганини айтган: “Яқин кунларда қочиб, сизнинг тоғларингизга ташриф буюришга ҳаракат қиламан”. Танзила Норбоева Ўзбекистон президентининг саломи ва мамлакатга ташриф буюриш учун таклифини етказган.
Беларусь Президенти матбуот хизмати хабарига кўра, Лукашенко жорий йил охири ёки келаси йил бошида Ўзбекистонга ташрифи буюриши кутилмоқда.
