Қозоғистон — Ўзбекистон чегарасидан ўтувчи энергия ресурслари устидан назорат кучайтирилади
Қозоғистон Ўзбекистон билан энергия ресурсларини олиб ўтишда устидан божхона назоратини муҳокама қилмоқда.
Қозоғистон Ўзбекистон билан чегарадаги энергия ресурслари устидан қўшма божхона назоратини муҳокама қилмоқда. Бу ҳақда Sputnik Қозоғистон хабар берди.
Қозоғистон парламенти депутатлари Қозоғистон-Ўзбекистон божхона чегараси орқали энергия ресурсларини олиб ўтишда қўшма божхона назорати тўғрисидаги Ўзбекистон билан ҳукуматлараро битимни ратификация қилиш тўғрисидаги қонунни қабул қилишди.
2021 йил 6 декабрь куни Остона шаҳрида Қозоғистон ва Ўзбекистон ҳукуматлари ўртасида энергия ресурсларини икки давлат чегараси орқали қувур транспорти ва электр узатиш линиялари орқали олиб ўтишда қўшма божхона назорати тўғрисида келишув имзоланган.
“Битимни ратификация қилиш Қозоғистон-Ўзбекистон божхона чегараси орқали қувур ва электр узатиш линиялари орқали олиб ўтилаётган энергия ресурслари устидан назорат самарадорлигини ошириш мақсадида амалга оширилмоқда”, — дейилган хабарда.
2023 йил августида Қозоғистон “Марказий Осиё – Марказ” газ қувурининг Қозоғистон қисми орқали Россия газини Ўзбекистонга 10 миллиард куб метргача етказиш масаласини муҳокама қилаётгани хабар қилинган эди. Энергетика вазири ўринбосари Асхат Хасенов газ ташиш тизими транзитга рухсат беришини, бироқ “техник имкониятларни қайтадан тасдиқлаш” ва уни модернизация қилиш зарурлигини таъкидлади.
Шу йилнинг 18 январида Россиянинг “Газпром” компанияси ва Қозоғистон ҳукумати ўртасида газ саноати соҳасида ҳамкорлик бўйича “йўл харитаси” имзоланган бўлса, 24 январь куни “Газпром” ва Ўзбекистон Энергетика вазирлиги ўртасида худди шундай ҳужжат имзоланган.
