Андижонда дарахтлар ноқонуний кесилиб, дўкон қурилгани айтилди
Ҳолатга вилоят ҳокимлиги муносабат билдирди.
Ижтимоий тармоқларда Андижон вилояти Асака туманидаги деҳқон бозорида дарахт кесиш ва ноқонуний тарзда дўконлар қурилаётгани ҳақида хабарлар тарқалди. Ҳолатга вилоят ҳокимлиги расмий муносабат билдирди.
Қайд этилишича, Асакадаги “Бирдамлик” МФЙда 3 дона Дуб дарахтларининг ўсув нуқта қисмидан шохлари кесилганлиги ва ҳеч бири тўлиқ кесилмаганлиги аниқланган. Ушбу ҳолат бўйича фуқоро А.У.га нисбатан МЖТКнинг 79-моддаси билан тегишли жазо чораси кўрилган.
“Шунингдек, қурилаётган енгил конструкцияли иккита дўкон бузилди. Бозор ҳудудини тартибга келтириш ишлари олиб борилди”, — дейилади хабарда.
