Жорж Буш: Евгений Пригожин “мени таомлантирган йигит” эканидан шокка тушдим
АҚШ собиқ президенти бу ҳақда Ялтадаги Европа стратегияси анжуманида гапирди.
2001—2009-йилларда АҚШга президентлик қилган Жорж Буш тадбиркор, "Вагнер" асосчиси Евгений Пригожин билан шахсан учрашганини билгач, ҳайратда қолганини айтди. Бу ҳақда Buniness Insider хабар бермоқда.
Буш бу ҳақда Ялтадаги Европа стратегияси анжуманида гапирди. Анжуманда собиқ Президентдан Евгений Пригожиннинг авиаҳалокатда ҳалок бўлгани унга қандай таъсир қилганини сўрашди.
«Йўқ, унинг ўлимини эшитиб эмас, шу кунларда Санкт-Петербургада ўтган Г8 саммити фотоларига кўзим тушиб қолди ва мени ўшанда таомлантирган йигит бўлганидан шокка тушдим», — дея Жорж Бушдан иқтибос келтирган Buniness Insider.
АҚШ собиқ президенти Пригожин билан шахсан учрашганини эслай олмаслигини қўшимча қилган.
Евгений Пригожин 2006 йил 14 июлда Путин билан кечки овқат пайтида Жорж Буш ва унинг рафиқаси Лаура Бушга официант бўлиб хизмат қилган.
