Ўзбекистонда ўқитувчиларнинг маоши 2 баравар оширилади
Бу натижага 2030 йилгача эришиш белгиланган.
«Ўзбекистон – 2030» стратегиясини 2023 йилда сифатли ва ўзи вақтида амалга ошириш чора-тадбирлари тўғрисида»ги президент қарори қабул қилинди.
Унга кўра, 2023 йил ноябр ойида:
-
«Эл-юрт умиди» жамғармаси кўмагида Мактабгача ва мактаб таълими вазирлиги тизимида фаолият олиб бораётган ходимларни хорижий мамлакатларга малака ошириш ва стажировкага юбориш режасини ишлаб чиқиш;
-
умумий ўрта таълим мактаблари раҳбар ходимлари меҳнатига ҳақ тўлаш шароитларини яхшилаш бўйича таклифларни ишлаб чиқиш вазифаси белгиланган.
Шунингдек,
— Президент ва ихтисослаштирилган мактаблар таълим методикасини барча ўрта таълим муассасаларига жорий қилиш;
— 1 000 нафар педагогни хорижга малака ошириш ва стажировкага юбориш;
— 500 минг нафар МТТ ва мактаб ходимлари малакасини узлуксиз ошириш;
— педагог кадрларни тўлиқ давлат гранти асосида тайёрлаш тизимини жорий қилиш мақсад қилинган;
— Умумий ўрта таълим мактаблари раҳбар ходимлари меҳнатига ҳақ тўлаш шароитларини яхшилаш бўйича таклифларни ишлаб чиқиш вазифаси белгиланди.
Аввалроқ, президент мактаб директорлари ва ўринбосарларининг ойлигини ошириш ҳақида топшириқ берган эди.
