Самарқандда фаст-фуддан заҳарланганлар бўйича қўшимча маълумот берилди
Улар шифохонага ўрта-оғир аҳволда ётқизилган.
Аввалроқ Самарқандда фаст-фуддан оммавий заҳарланиш қайд этилгани хабар қилинганди. Ҳолат юзасидан Санитария-эпидемиологик осойишталик ва жамоат саломатлиги қўмитаси Самарқанд вилоят бошқармаси қўшимча маълумот берди.
Беморларга “ўткир гастроэнтирит-овқатдан заҳарланиш” бирламчи ташхиси қўйилган ва улар юқумли касалликлар бўлимига ўрта-оғир аҳволда ётқизилган.
Шифохонага ётқизилган 5 нафар беморлар жорий йилнинг 12 сентябрь куни туманнинг Амир Темур маҳалласида жойлашган савдо шохобчаларининг бирида шаурма, ход-дог ва гамбургер маҳсулотларини истеъмол қилишгани маълум бўлган.
