Рамзан Қодировнинг аҳволи ҳамон оғир

 

Мудофаа вазирлиги разведка бош бошқармаси вакили Андрей Юсов Чеченистон раҳбари Рамзан Қодировнинг аҳволи оғир эканини айтди. 

 

Андрей Юсовнинг сўзларига кўра, Амзан Қодировнинг соғлиғи билан боғлиқ муаммолар ҳақидаги маълумотлар “тиббий ва сиёсий доираларда” тасдиқланган.

 

«Обозревател» нашри ўз манбаларига таяниб, Амзан Қодиров бир неча кундан бери кома ҳолатига тушиб қолгани ҳақида хабар берди. Аноним суҳбатдошларнинг хабар беришича, уни самолётда Москвага олиб кетишган, аммо муваффақиятсиз даволанишдан кейин у Чеченистонга қайтарилган.

 

Айрим маълумотларга кўра, Амзан Қодиров буйраклари билан боғлиқ муаммолардан азият чекмоқда.

 

Россиялик сиёсатчилар ва журналистлар Чеченистон раҳбари заҳарланган бўлиши мумкинлигини истисно қилмаяпти.

 

Амзан Қодировнинг ўзи шу йилнинг март ойида касаллиги ҳақидаги миш-мишларни рад этган эди. Унинг таъкидлашича, у "мутлақо соғлом одам" ва ҳали ҳам спорт билан шуғулланиши, тоғларга бориши ва пиёда юриши мумкин.

 

Аввалроқ айрим экспертлар Евгений Пригожиннинг ўлимидан сўнг Россия ҳукумат аппарати энди бошқа нуфузли шахсларга, хусусан, Рамзан Қодировга қарши чиқади, деб тахмин қилганди.

 

Ўз навбатида, россиялик журналист Алексей Лушниковнинг фикрича, агар Қодировнинг оғир аҳволи ҳақидаги маълумотлар тасдиқланса ва Чеченистон раҳбари тез орада вафот этса, Россия Федерацияси учун оқибатлар Пригожин исёнидан ҳам кенгроқ бўлиши мумкин.

 

"Сўнгги йигирма йил ичида мустаҳкам цементланган миллий-сиёсий плиталар ҳаракатланиши мумкин", — деб ёзди Лушник Facebook'да.