Сейсмик соҳа ривожига ҳисса қўшганлар муносиб тақдирланади

 

Вазирлар Маҳкамасининг 467-сон Қарори билан «Сейсмик хавфсизлик соҳаси аълочиси» кўкрак нишони таъсис этилди.

 

Кўкрак нишони билан сейсмология, иншоотларнинг сейсмик мустаҳкамлиги, аҳоли ва ҳудудларнинг сейсмик хавфсизлигини таъминлаш соҳасини ривожлантиришга муносиб ҳисса қўшган фуқаролар тақдирланади.

 

Кўкрак нишони билан тақдирлаш бўйича таклифлар ҳар йили 15 сентябрга қадар Ўзбекистон Республикас Фанлар  академиясига тақдим этилади Бунда номзодларни танлашда қуйидагилар инобатга олинади:

 

• сейсмик хавфсизликни таъминлаш соҳасидаги давлат сиёсатининг асосий йўналишларини ва давлат дастурларини ишлаб чиқишда иштирок этганлиги;

• сейсмология, иншоотларнинг сеймик мустаҳкамлиги, аҳоли ва ҳудудларнинг сейсмик хавфсизлигини таъминлаш соҳасини ривожлантиришга ҳисса қўшганлиги;

• сейсмик хавфсизлик соҳасида замонавий ахборот технологиялари ва инновацион технологияларни кенг жорий этишда иштирок этганлиги;

• кучли зилзилалар оқибатини бартараф этишда иштирок этганлиги;

• бино ва иншоотларнинг сейсмик мустаҳкамлигини тадқиқ қилиш, уларнинг сейсмик заифлигини баҳолаш ҳамда тегишли хулосалар беришда иштирок этганлиги;

• сейсмик хавфсизликни таъминлаш соҳасида монография, дарслик ва ўқув қўлланмалар чоп этганлиги;

• сув омборлари тўғоналари, эксплуатация қилинаётган нефть ва газ конлари ҳудудларида сейсмикликнинг намоён бўлишини мунтазам баҳолаб бориш ва бошқалар.

 

Кўкрак нишони ва унинг гувоҳномаси ҳар йили 13 октябрь – Табиий офатлар хатарини камайтириш халқаро куни арафасида Фанлар академияси президенти (ёки унинг топшириғига мувофиқ бошқа масъул шахслар) томонидан тантанали тарзда топширилади.

 

Кўкрак нишони билан тақдирланганларга БҲМнинг 4 баравари миқдорида пул мукофоти берилади.