Таълим муассасаларида йод препарати истеъмоли тўхтатилди
Бу бўйича ССВ кўрсатма хати эълон қилди.
Мактаб ва боғчаларга тарқатилган йод препарати истеъмоли тўхтатилди. Бу ҳақда Ўзбекистон Республикаси Соғлиқни сақлаш вазирлиги “Кўрсатма хати” эълон қилинди.
Унда ёзилишича, 21 сентябрь куни Наманган вилояти Чуст туманидаги 21-сонли мактабгача таълим ташкилотининг айрим тарбияланувчилари орасида тана ҳароратининг кўтарилиши, қусиш ва қорин оғриғи аломатлари кузатилган. Кейинчалик бошқа муассасалардан ҳам шу каби мурожаатлар тушган бўлиб, жами 71 нафар боланинг соғлиғидан шикоятлар қайд этилган.
Шунга асосан республиканинг барча ҳудудларида “Калий йодид 1 мг (0,001 Г) таблетка №100 (Antistrumin)” дори воситасининг тақдири ҳал бўлгунга қадар зудлик билан вақтинча тўхтатилиши сўралган.
