Чилонзорда салкам 30 туп кўп йиллик дарахт кесиб ташланди
Ҳолатга ҳокимлик расмий муносабат билдирди.
Ижтимоий тармоқларда Тошкент шаҳрининг Чилонзор туманида 29 туп кўп йиллик дарахт кесиб ташлангани акс этган видео тарқалмоқда. Чилонзор тумани ҳокимлиги ҳолат юзасидан изоҳ берди.
Қайд этилишича, Лутфий кўчасидаги 29 та кўп йиллик шумтол дарахти қуриб қолгани сабабли кесиб олинмоқда. Шанба куни кўпчилик ташкилотларда дам олиш куни бўлгани сабабли туман Ободонлаштириш бошқармаси томонидан қуриган дарахтларни кесиб олиш жараёнлари олиб борилмоқда.
“Аҳолидан ва эколог блогерлар ҳамда журналистлардан биз олдиндан маълум қилган ушбу маълумотлар билан танишиб, айни жараёнларга холис баҳо беришларини сўраб қоламиз”, — дейилади хабарда.
