“Ўзбекистон темир йўллари” холдингга айлантирилади
Тизимда замонавий бошқарув жорий қилиниши кутилмоқда.
Президент темирйўл соҳасидаги асосий муаммолардан келиб чиқиб, тизим олдида турган устувор вазифаларни белгилаб берди.
Йиғилишда “Ўзбекистон темир йўллари”ни холдингга айлантириб, тизимда замонавий бошқарувни жорий қилиш, жумладан, инфратузилма, юк вагонлари ва логистика, йўловчи ташиш хизматлари ҳамда вокзаллар бошқарувини бир-биридан ажратиб, алоҳида корхоналар ташкил қилиш бўйича билдирилган таклифлар маъқулланди.
Вагонлар паркини янгилашга мўлжалланган кредит ва компенсация ажратиш механизмларини жорий қилиш вазифаси қўйилди.
