Сергелидаги ер усти метро бекати ҳам енгил шикастланган
Бу ҳақда "Тошкент метрополитени" ДУК маълум қилди.
"Тошкент метрополитени" ДУКнинг маълум қилишича, ёнғин содир бўлган ҳудудга яқин бўлган метрополитеннинг Ер усти ҳалқа йўлининг «Қурувчилар» бекатининг меъморий қисмини енгил шикастланган, аммо бу ҳолат йўловчи ва поездларнинг ҳаракатига таъсир кўрсатмаган.
Барча метро бекатларида поездлар ҳаракати белгиланган жадвал асосида олиб борилмоқда.
Сергелидаги портлаш натижасида ҳудудга яқин бўлган метрополитеннинг Ер усти ҳалқа йўлининг "Қурувчилар" бекатининг меъморий қисмига енгил шикаст етган. Бу ҳолат йўловчи ва поездларнинг ҳаракатига таъсир кўрсатмаган.
Бугун, 28 сентябр куни соат 02:43 да Тошкент шаҳар Сергели тумани Қурувчилар даҳасида жойлашган омборхоналарнинг бирида кучли чақнаш оқибатида ёнғин содир бўлгани тўғрисида ФВБга хабар тушган.
16 та ёнғин-қутқарув экипажи ва 3 та автонарвон соат 02:48 да ҳодиса рўй берган ҳудудга етиб борган.
ФВВ ёнғин соат 05:02 да қуршаб олингани, ёнғин майдони қисқартирилиб борилаётгани ҳақида хабар берди.
