Кўпхотинликка тарғиб қилганлик учун маъмурий жавобгарлик белгиланди

 

Олий Мажлис Сенатининг 45-ялпи мажлисида "Жиноят кодекси ва Маъмурий жавобгарлик тўғрисидаги кодексга ўзгартиш ва қўшимчалар киритиш ҳақида"ги қонун муҳокама қилинди. Бу ҳақда Сенат матбуот хизмати хабар берди.

 

Йиғилишда сўнгги пайтларда мамлакатда диний никоҳлар кўпайгани, натижада кўпхотинлилик ҳолатлари кўпайгани таъкидланди.

 

Шунингдек, йиғилишда реклама, кўнгилочар ва таҳлилий материаллар орқали кўпхотинлилик ва унинг «афзалликлари»ни тарғиб қилиш ҳолатлари кўпайгани айтилди.

 

Бунинг натижасида мамлакатда никоҳсиз туғилган болалар сони кўпайди. Масалан, 2020 йилда республикада ёлғиз онанинг аризасига кўра 16 564 нафар бола туғилиши қайд этилган бўлса, 2022 йилда бу кўрсаткич 18 955 нафарга етди.

 

Йиғилишда Жиноят кодекси ва Маъмурий жавобгарлик тўғрисидаги кодексларига ўзгартиш ва қўшимчалар киритиш орқали қонунда устунликка тарғиб қилиш ёки никоҳи қайд этилмаган шахслар диний никоҳ маросимини ўтказиш учун маъмурий ва жиноий жазо белгиланиши кўзда тутилгани таъкидланди.

 

Шу билан бирга, Қонун билан икки ёки ундан ортиқ хотин билан эр-хотин бўлиб яшашни тарғиб қилганлик, хотин-қизлар ва эркаклар тенг ҳуқуқлилигини очиқдан-очиқ инкор этганлик учун маъмурий жавобгарлик белгиланмоқда.