Шимолий Корея MAGATEни кескин танқид қилди
Пхенян агентликни Ғарб билан тил бириктирганликда айблади.
Шимолий Корея MAGATE ўзининг ядровий ишланмалари бўйича резолюцияларни қабул қилиш ваколатига эга эмаслигини айтди ва бош директор Рафаэл Гроссини АҚШ ва Ғарб билан тил бириктирганликда айблади.
MAGATEнинг 67-Бош конференциясида аъзо давлатлар Пхенянни БМТ Хавфсизлик кенгаши резолюцияларига мувофиқ ядровий қурол дастурини тўхтатиш ва ўз мажбуриятларига риоя қилишга чақирувчи резолюция қабул қилди.
Пхеняннинг таъкидлашича, Шимолий Корея 1994 йилда MAGATE таркибидан чиққан, шунинг учун Агентлик унинг ядровий дастурини шарҳлаш ёки баҳолаш ҳуқуқига эга эмас.
“Қўшма Штатларнинг золим ядро қуроллари ва агрессив империалистик кучлар бу заминда мавжуд экан, КХДРнинг ядро қуролига эга давлат сифатидаги позицияси ўзгаришсиз қолади ва биз суверенитетимизга тажовуз қилувчи душман кучларининг ҳаракатларига ҳеч қачон тоқат қилмаймиз. ",-дейилади ҳужжатда.
Пхенян шахсан MAGATE бош директори Рафаэл Гроссини КХДРга босим муҳитини яратишда ва АҚШ ва Ғарбни хурсанд қилиш учун еттинчи ядро синови ҳақида ёлғон маълумот тарқатишда айблайди.
