Глобал халқаро мукофот Тошкентда ўз эгаларига топширилади
"Коррупцияга қарши кураш соҳасида ютуқлари учун” халқаро мукофоти соҳада илғор янгиликларни жорий этган шахслар ва ташкилотларга берилади.
Йил якунида пойтахтимизда "Коррупцияга қарши кураш соҳасида ютуқлари учун” халқаро мукофотининг топшириш маросими ўтказилади.
Мукофот 2015 йилда Қатар ҳукумати ҳамда БМТ шафелигида Қатарда ташкил этилган Қонун устуворлиги ва коррупсияга қарши кураш маркази томонидан таъсис этилган ҳамда Санкт-Петербургда бўлиб ўтган Коррупцияга қарши курашиш идоралари халқаро ассоциациясининг (ИААCА) ВИИИ конференсиясида Қатар давлати раҳбари Шайх Тамим бин Ҳамад Ол Соний томонидан эълон қилинган.
Мукофотнинг асосий мақсади дунё бўйлаб коррупцияга қарши курашиш бўйича намунали ва илғор моделларни тарғиб қилиш ҳамда аҳолининг хабардорлигини ошириш, коррупцияга қарши курашишни қўллаб-қувватлаш ва бирдамликни оширишдан иборат.
Халқаро мукофот коррупцияга қарши кураш соҳасига ўзини бағишлаган ҳамда мазкур йўналишда илғор янгиликларни жорий этган шахслар ва ташкилотларга берилади.
Ғолиблар 5 та номинация бўйича тақдирланади:
“Коррупцияга қарши курашишдаги ютуқлари ҳамда узоқ йиллик фаолияти учун”;
“Коррупцияга қарши курашиш йўналишидаги таълим ва академик тадқиқотлар учун”;
“Коррупцияга қарши курашишга оид ёшлар ташаббуслари ва ижоди учун”;
“Инновациялар ва журналистик материаллар учун”;
“Спортни коррупциядан ҳимоя қилиш".
