Сурхондарёда 15 миллиард сўмлик тамаки маҳсулотларининг ноқонуний айланмасига чек қўйилди
Бу ҳақда вилоят божхона бошқармаси хабар берди.
Сурхондарё вилояти божхона бошқармаси “Болдир” темир йўл чегара божхона постига қўшни давлатдан Ўзбекистон Республикасига кириб келган темир йўл поезди таркибидаги вагонлардан бири белгиланган тартибда божхона назоратида ўтказилди.
Натижада, ушбу вагонда юк кузатув ҳужжатларида кўрсатилмаган, акциз маркалари мавжуд бўлмаган ва божхона назоратидан яширилган умумий қиймати 15 миллиард сўмлик 999 956 қути “MILANO” номли сигарет маҳсулотлари борлиги аниқланди.
Ҳозирда мазкур ҳолат юзасидан божхона органлари томонидан текширув ҳаракатлари олиб борилмоқда.
Маълумот учун, ўтган ойда ҳам айнан мазкур божхона пости орқали олиб ўтилаётган 12,7 миллиард сўмлик 851 минг қути ноқонуний тамаки маҳсулоти тўхтатиб қолинганди.
