Намангандаги автобусларда АТТО карталари жорий этилди
Энди вилоятда йўл ҳақини электрон тизим орқали тўлаш мумкин.
Наманган вилоятидаги жамоат транспортларида йўл ҳақини электрон тизим орқали амалга ошириш йўлга қўйилди. Бу ҳақда Транспорт вазирлиги хабар қилди.
Ҳозирда Наманган шаҳри ичида ҳаракатланувчи 20 та автобус йўналишларига 158 дона электрон тўловни қабул қилувчи стационар валидаторлар ўрнатилган. Йўловчилар нафақат АТТО транспорт карталари, балки банк картаси, "АТТО" мобил иловаси ҳамда виртуал транспорт картаси орқали ҳам тўловни амалга оширишлари мумкин.
"АТТО транспорт карталарини тез кунларда Сардоба бозори бекати, Чорсу бозори бекати, Дўстлик бозори бекати ва Отчопар шох бекатларидан харид қилиш мумкин бўлади", дейилади вазирлик хабарида.
