Зеленский Путиннинг Россиядаги рақибларига мурожаат қилди
Украина раҳбари улардан бирор нарса қилишни сўраган.
Украина Президенти Владимир Зеленский россиялик диссидентларга мурожаат қилиб, уларни “вазиятни ўзгартириш учун аниқ бирор нарса қилишга” чақирди.
Украина раҳбарининг сўзларига кўра, Россияга ҳар қандай хабар юбориш жуда қийин.
"Россия Федерациясига хабар юбориш жуда қийин, Россияда яшовчи одамлар ҳеч нарсани эшитишни истамаяпти шекилли.", - деди Зеленский.
Украина раҳбарининг таъкидлашича, Россия президенти Владимир Путинга қарши бўлган одамлар “олдинга ҳаракат қилишда давом этишлари” керак.
"Бошқа йўл йўқ. Украина душманни мағлуб этиши керак. Европа умумий қадриятлар манфаати йўлида Украинани қўллаб-қувватлаши керак, Россияда эса одамлар вазиятни ўзгартириш учун аниқ иш қилиши керак", - дея таъкидлади Зеленский.
Эслатиб ўтамиз, аввалроқ Зеленский Путинни саратон касаллигига қиёслаб, унинг қадамлари Учинчи жаҳон урушига олиб келишини таъкидлаган эди.
