Тошкент вилоятида 3 та чинор дарахти кесилган
Ҳолат бўйича тергов ҳаракатлари олиб борилмоқда.
Тошкент вилояти Экология бошқармаси ҳамда Тошкент вилояти прокуратураси томонидан Юқори Чирчиқ туманида экологик назорат тадбири ўтказилди.
Тадбир давомида туманнинг "Файзобод" МФЙ ҳудудида 3 туп ўсиб турган чинор дарахтлари кесилганлиги аниқланди.
Вазирлар Маҳкамасининг 2022 йил 22 августдаги “Давлат ўрмон фондига кирмайдиган дарахтлар ва буталарни экиш, парвариш қилиш ва улардан фойдаланиш тартибини янада такомиллаштириш тўғрисида”ги 464-сонли қарорига асосан, табиатга 148 миллион 793 минг 500 сўм зарар етказилганлиги маълум бўлди.
Ҳолат юзасидан Тошкент вилояти прокуратураси томонидан жиноят иши қўзғатилди. Айни дамда тергов ҳаракатлари олиб борилмоқда.
