Тошкент вилоятида чегарадан қурол олиб ўтаётганлар ушланди
Ҳозирда ҳолат юзасидан суриштирув олиб борилмоқда.
Тошкент вилоятида автотранспорт воситасида яширинча қурол олиб ўтмоқчи бўлганлар ушланди. Бу ҳақда вилоят божхона бошқармаси хабар бермоқда.
Қайд этилишича, “Яллама” чегара божхона постига фуқаро бошқарувида кириб келган “Грузовой фургон” русумли автотранспорт воситаси божхона кўригидан ўтказилганида, оғзаки сўровда маълум қилинмаган йўловчи божхона декларациясида ёзиб кўрсатилмаган ва ҳеч қандай ҳужжатлари бўлмаган 2 дона 454 гр елим идишда “TAMBOV WOLF 32” номли “Порох” ҳамда 100 дона “FETTER 12 RUS” номли гильзалар борлиги аниқланди.
Ҳозирда ушбу ҳолат юзасидан божхона органлари томонидан суриштирув ҳаракатлари давом этмоқда.
