Ёшлар сиёсати ва спорт вазирлигининг расмий сайти киберҳужумга учради
Вазирлик бу бўйича расмий муносабат билдирди.
Ижтимоий тармоқларда Ёшлар сиёсати ва спорт вазирлигининг расмий сайти хакерлар томонидан бузиб кирилгани ҳақида хабарлар тарқалди. Мазкур ҳолат бўйича Ёшлар сиёсати ва спорт вазирлиги расмий муносабат билдирди.
Вазирлик расмий веб сайтининг киберҳужумга учрагани бўйича Киберхавфсизлик маркази билан биргаликда дастлабки тезкор ўрганишлар ўтказилиб, сайтдаги бўшлиқлар тўлдирилган. Киберҳужум оқибатида жиддий талафот кўрилмаган.
Ҳозирда вазирлик расмий веб-сайтини киберҳужумларга қарши ҳимоялаш юзасидан қўшимча чора-тадбирлар белгиланиб, амалга оширилмоқда.
