Эрон бошқа давлатларни Исроилга қарши нефть эмбаргосига чақирмоқда
Шунингдек, Исроил элчиларини ҳам мамлакатдан чиқариб юбориш таклиф қилинган.
Эрон мусулмон давлатларини Исроилга қарши нефть эмбаргоси ва бошқа санкциялар жорий этишга, шунингдек, Исроил элчиларини чиқариб юборишга чақирди.
Айни пайтда Саудия Арабистонининг Жидда шаҳрида Ислом ҳамкорлик ташкилотининг (57 давлат аъзо) шошилинч йиғилиши бўлиб ўтмоқда, унда Ғазо секторидаги шифохонада юз берган портлаш муносабати билан Исроил ва ҲАМАС ўртасидаги можаро муҳокама қилинмоқда.
Эрон ташқи ишлар вазири Ҳусайн Амир Абдуллоҳий Исроилнинг Ғазо секторидаги эҳтимолий ҳарбий жиноятларини ҳужжатлаштириш учун исломий ҳуқуқшунослар гуруҳини тузишга чақирмоқда.
