Япониялик кўнгиллилар Оролнинг қуриган 10 гектар тубига 10 минг туп дарахт экади

 

«Яшил макон» умуммиллий лойиҳада иштирок этиш учун 30 нафар япониялик кўнгиллилар Ўзбекистонга келди.

 

Япониялик кўнгиллиларнинг сафари мамлакатнинг Япониядаги элчихонаси кўмагида OISCA ташкилоти томонидан ташкил қилинди. Ташриф давомида япон кўнгиллилари Қорақалпоғистон қишлоқ хўжалиги ва агротехнологиялар институти талабалари билан биргаликда Орол денгизининг қуриган 10 гектар тубига 10 минг туп дарахт кўчатларини экиши режалаштирилган.

 

 

Маълумот ўрнида: OISCA (The Organization for Industrial, Spiritual and Cultural Advancement) нодавлат халқаро ташкилот бўлиб, 1961 йилда Токио шаҳрида ташкил этилган.

 

Ушбу ташкилот  2015 йилдан буён атроф-муҳитни муҳофаза қилиш бўйича қатор лойиҳаларни амалга ошириб келяпти. Хусусан, OISCA томонидан 2022 йилдан бошлаб 10 йил давомида Орол денгизининг қуриган ҳудудининг 40 минг гектар майдонини кўкаламзорлаштириш лойиҳаси ҳаётга татбиқ этилмоқда.