Энди Ўзбекистонга 2 та телефонни божсиз олиб кириш мумкин
Бунгача битта телефонни рўйхатдан ўтказишга рухсат берилганди.
Энди Ўзбекистонга иккита мобил телефонни божхона тўловларисиз олиб кириш мумкин. Бу ҳақда "ЎзА" хабар берди.
Эндиликда жисмоний шахслар хориждан ўзи билан олиб кирган иккита мобил қурилма (телефон)ни божхона тўловларисиз рўйхатдан ўтказиши мумкин. Бунгача битта телефонни рўйхатдан ўтказишга рухсат берилган эди.
Телефонларни UzIMEI тизимида рўйхатга олишда масофадан туриб (онлайн) шахсни биометрик идентификация (Face-ID) қилиш жорий этилди.
Ўзбекистонга хизмат сафари ёки туризм учун келаётган хорижий фуқаролар мобил қурилмаларидан рўйхатдан ўтказмасдан фойдаланиш даври амалдаги 30 календарь кунидан 60 календарь кунигача узайтирилди.
