Наманганда она ўз фарзандини аёвсиз калтаклади
Ҳолатга Болалар омбудсмани муносабат билдирди.
Ижтимоий тармоқларда Наманган вилоятида хонадон ҳовлисида ёш болани аёвсиз калтаклаётган аёл акс этган видео тарқалди. Ҳолатга Болалар омбудсмани муносабат билдирди.
Қайд этиоишича, 4 ноябрь куни Янги Наманган тумани "Ёшлик" МФЙ Исломобод кўчасида яшовчи фуқаро К.Х. яшаш хонадонида ўз фарзанди — 2013 йилда туғилган вояга етмаган С.М.ни қаттиқ калтаклаган.
Ҳолат бўйича зудлик билан Наманган шаҳар ИИО ФМБ Янги Наманган тумани ИИБ тезкор тергов гуруҳи воқеа жойида ҳозир бўлган.
Мазкур ҳолат бўйича терговга қадар текширув ҳаракатлари ўтказилиб, вояга етмаган М.С. олган тан жароҳати юзасидан тегишли тартибда судга оид тиббий экспертиза тайинланган.
Ҳозирда тергов-суриштирув ҳаракатлари олиб борилмоқда.
