Метрода яна носозлик: йўловчилар бу гал токсиз вагонда қолиб кетди
Тошкент метрополитени" ҳолатга изоҳ берди.
Ижтимоий тармоқларда метрода носозлик кузатилгани ва йўловчилар токсиз вагонда қолиб кетгани ҳақида видеохабарлар тарқалди. Тошкент метрополитени" ҳолатга изоҳ берди.
Маълум қилинишича, бугун соат тахминан 09:15 лар атрофида Ўзбекистон йўналишининг Алишер Навоий бекатидан ҳаракатланишни бошлаган 40-сонли ҳаракат таркибида техник носозлик ҳолати кузатилган ва бунинг натижасида ушбу ҳаракат таркиби тоннелнинг кириш қисмида 15 дақиқа вақт давомида тўхтатилган.
"Йўловчиларга ноқулайлик ҳосил қилмаслик ва йўналишда белгиланган ҳаракат жадвали бузилмаслигини олдини олиш мақсадида, ортидаги 39-сонли ҳаракат таркиби орқали тиркамага олиниб, ҳаракат таркиби текширув йўлагига олиб борилган.
Ҳозирги вақтда йўналишдаги барча поездлар белгиланган жадвал асосида ҳаракатланмоқда", — дейилади хабарда.
