Тошкентда янги автобус бутунлай ёниб кетди
Ҳодисага электр симларининг қисқа туташуви сабаб юз берган.
Ижтимоий тармоқда Тошкент шаҳрининг Янгиҳаёт туманида йўловчи автобус ёниб кетгани акс этган видеолар тарқалди. Ҳолат юзасидан «Тошшаҳартрансхизмат» АЖ расмий муносабат билдирди.
Қайд этилишича, ёнғин автобус ҳайдовчиси ўриндиғи орқасида жойлашган электр симларини бирлашган блок қисмида қисқа туташув натижасида содир бўлган. Автобус кафолат муддатида тасарруф этилаётганлигини инобатга олиб, ёнғиннинг аниқ сабаби автобус ишлаб чиқарувчи завод мутахассислари билан биргаликда аниқланмоқда.
Ёнғин қутқарув бўлинмалари воқеа жойига соат 16:36 да етиб бориб ёнғинни бартараф этган. Ҳодиса оқибатида жабрланганлар ва жароҳат олганлар йўқ.
