Санъат арбоби Хайрулла Жўраев вафот этди
У 78 ёшда эди.
Ўзбекистонда хизмат кўрсатган санъат арбоби Хайрулла Жўраев 19 ноябрь куни 78 ёшида вафот этди. Бу ҳақда Ўзбекистон Киноарбоблари ижодий уюшмаси хабар берди.
Хайрулла Жўраев 1945 йилда Жиззахда туғилган. 1970 йилда ТошДУнинг журналистика факультетини тугатган.
Ўзбекистон илмий-оммабоп ва ҳужжатли фильмлар киностудиясида режиссор, муҳаррир, бош муҳаррир (1976—87). «Видеофильм» маркази директори (1988— 89) сифатида фаолият юритган.
“Аҳматовлар оиласи”, “Абдуманнон Умаров”, “Абдулла Қодирий”, “Ҳамид Олимжон” ва бошқа Қисқа метражли, «Фуқаро», “Барча фазилатлар сенда мужассам”, “Афғонистон, 85 йил кузи”, “Икки миллион таниш чеҳра” (M.Qayumov билан ҳамкорликда) ва бошқа тўла метражли фильмлар яратган.
2000 йилда «Дўстлик» ордени билан мукофотланган.
