Миллий кутубхонанинг кечки пайт ишлаши учун бюджетдан пул ажратилади
Олий Мажлис Қонунчилик палатасининг навбатдаги мажлисида ушбу масала муҳокама қилинди
Бугун, 21 ноябрь куни Олий Мажлис Қонунчилик палатасининг навбатдаги мажлисида 2024 йил учун Давлат бюджетида Ахборот-кутубхона муассасаларини ривожлантириш жамғармасига қўшимча маблағ ажратиш масаласи муҳокама қилинди.
Унга кўра, 2024 йил учун Давлат бюджетида ёшларга кутубхонадан кечки вақтда фойдаланиш учун қулай шароит яратиш мақсадида Ўзбекистон Миллий кутубхонаси — ахборот ресурс маркази ҳузуридаги бюджетдан ташқари Ахборот-кутубхона муассасаларини ривожлантириш жамғармаси харажатлари учун қўшимча маблағ ажратиш кўзда тутилмоқда.
Эслатиб ўтамиз, бир муддат аввал Миллий кутубхона 20 октябрдан бошлаб кечки сменада ишламаслигини билдирган эди.
