Халқаро кинофестивалда яна бир ўзбек фильми Гран-прини қўлга киритди

 

Қирғизистонда “Айтматов ва кино” I халқаро кинофестивали ўтказилди. Унда бир гуруҳ киноижодкорларимиз ҳам иштирок этди.

 

 

Ўзбекистон Кинематография агентлиги ахборот хизматига кўра, ушбу агентлик буюртмасига кўра режиссёр Шокир Холиқов томонидан  суратга олинган “Якшанба” бадиий  фильми  “Энг яхши фильм” номинацияси бўйича Гран-при мукофотини қўлга киритди.

 

Маълумот учун, «Якшанба» фильми XV Тошкент халқаро кинофестивалининг Марказий Осиё фильмлари танловида «Энг яхши фильм» деб топилган эди. Шунингдек, фильм Шанхай халқаро кинофестивалида «Осиёнинг янги иқтидорлари» номинациясида ҳам ғолиб бўлган.