Сурхондарёда бугуннинг ўзида 3-марта зилзила содир бўлди
Ҳар учала силкиниш эпицентри Қумқўрғон туманига тўғри келди.
Сурхондарё вилоятининг Қумқўрғон туманида 23 ноябрь тонгидан буён 3 марта ер силкиниши қайд этилди. Бу ҳақда ФВВ Сейсмопрогностик мониторинг республика маркази хабар берди.
Марказ соат 14:36 да 3-бор зилзила рўй берганини маълум қилди. Зилзила координаталари: 37,76 градус шимолий кенглик; 67,69 градус шарқий узунлик. Магнитуда м=3,9. Чуқурлик 10 км. Сезилиш кучи:
-
Қумқўрғон туманида 3 балл, 16 км;
-
Шўрчи туманида 2−3 балл, 26 км;
-
Бандихон туманида 2 балл, 31 км;
-
Жарқўрғон туманида 2 балл, 35 км;
-
Қизириқ туманида 2 балл, 42 км.
Эслатиб ўтамиз, биринчи силкиниш эрта тонгда — соат 04:28 да қайд этилган. Магнитуда 3,4 ни ташкил этган. Иккинчиси эса соат 14:08 да кузатилди (магнитуда — 3,5). Эътиборли жиҳати, ҳар учала силкинишнинг эпицентри Қумқўрғон туманига тўғри келди.
