Тошкентда мактаб ўқувчиси, Янгийўл туманида эса аёл ток уриши оқибатида вафот этди
Бу ҳақда "Ҳудудий электр тармоқлари" АЖ матбуот котиби маълум қилди.
Юнусобод туманидаги 99-сонли мактабнинг 8-синф ўқувчиси очиқ турган электр токи симига тегиб кетиши оқибатида вафот этди.
Бола мактабни ёритувчи чироқ устунидаги очиқ бўлган электр симига тегиб кетган ва ток уриши оқибатида воқеа жойида вафот этган.
Ижтимоий тармоқларда тарқалган видеоларга кўра, воқеа кеча тунда юз берган.
Шунингдек, Тошкент вилоятида бир аёл узилиб кетган электр симига тегиб кетиши оқибатида вафот этган.
Айтилишича, Янгийўл тумани “Нуробод” маҳалласидаги янги ўтказилган электр энергияси сими узилган. Жорий йилнинг 26 ноябрь куни соат 16:00 лар атрофида аёл шу симга тегиб кетган ва куйиш жароҳатлари билан шифохонага олиб борилган.
Кўрсатилган тиббий муолажаларга қарамай, аёл кеча, 27 ноябрь куни шифохонада вафот этган.
