Тошкентда автобус ва юк машинаси тўқнашиб кетди
Ҳодиса оқибатида 3 нафар автобус йўловчиси тан жароҳати олган.
Бугун 29 ноябрь куни соат 06:50 ларда, "4-Автобус саройи" филиали тасарруфидаги "Мерседес-Бенз" русумли, давлат рақами 01|128 ФКА бўлган, 132-сонли йўналишда ҳаракатланаётган ҳайдовчи А.С бошқарувидаги автобус, Янгиҳаёт тумани, Бинокор кўчаси бўйлаб Тошкент МФЙ томонга ҳаракатланиш учун орқага қайрилаётган вақтда, Бинокор кўчасининг қарама-қарши томонидан ҳаракатланиб келаётган "МАН" русумли, давлат рақами 01|Қ383 КА бўлган юк автомобили келиб урилган.
Дастабки маълумотга кўра, ушбу йўл-транспорт ҳодисаси натижасида 3 нафар автобус йўловчиси енгил тан жароҳати олган, автобус ва юк автомобили техник шикастланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилганлигини маълум қиламиз.
