600 кгдан ортиқ яроқсиз гўштни олиб кетаётган шахслар ушланди
Айни вақтда тергов ҳаракатлари ўтказилмоқда.
Ҳуқуқни муҳофаза қилувчи орган ходимлари томонидан "Умакай" ЙПХ масканида ўтказилган тезкор тадбирда Қарши-Самарқанд-Тошкент йўналиши бўйича ҳаракатланаётган фуқаро Ф.Э. бошқарувидаги Собалт автомашинаси тўхтатилиб кўздан кечирилганда, фуқаро Б.X. жами 500 кг истеъмолга яроқсиз қорамол гўштини Тошкент шаҳрида ўтказиш мақсадида олиб кетаётганлиги аниқланиб, ушбу маҳсулотлар ашёвий далил сифатида олинган.
Яна бир ҳолатда эса Самарқанд-Тошкент йўналиши бўйича ҳаракатланиб келаётган фуқаро Э.M. бошқарувидаги Исузи юк автомашинасида фуқаро Н.Р. жами 165 кг истеъмолга яроқсиз қорамол гўштини Тошкент шаҳрида ўтказиш мақсадида олиб кетаётганлиги аниқланиб, ушбу маҳсулотлар ашёвий далил сифатида олинган.
Мазкур ҳолатлар юзасидан ЖКнинг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят ишлари қўзғатилиб, тергов ҳаракатлари ўтказилмоқда.
