Тошкентдаги мактабда доскага 100 доллардан пул йиғилаётгани айтилди
Ҳолатга шаҳар ММТБ муносабат билдирди.
Ижтимоий тармоқда Тошкент шаҳрининг Сергели туманидаги 284-сонли мактаб тендердан 10 та электрон доскани ютгани, эндиликда доскалар учун ҳар бир синф ота-оналаридан 100 доллардан пул йиғиб бериш талаб қилинаётгани ҳақида хабар тарқалди.
Ҳолат юзасидан шаҳар мактабгача ва мактаб таълими бошқармаси Ишчи гуруҳи ўрганиш олиб борган. Маълум бўлишича, юқоридаги хабар ўз исботини топмаган.
Маълумот учун, Сергели туманидаги 284-сонли умумтаълим мактаби 2023 йилнинг И-мавсумида “Ташаббусли буджет” платформаси орқали ютиб олган 1 200 000 000 сўм маблағ эвазига 23 дона электрон доска харид қилинган. 2023 йилнинг ИИ-мавсумида эса “Ташаббусли буджет” платформаси орқали яна 1 300 000 000 сўм маблағ ютиб олиниб, 20 дона электрон доска олинган ва синфларга тарқатилган.
"Электрон доскалар учун ўқувчилар ва уларнинг ота-оналаридан ҳеч қандай пул маблағлари йиғилмаган", дейилади хабарда.
