Энди “Yandex Gо” ҳам солиқ тўлайди
У Солиқ қўмитаси томонидан қўйилган талабларни бажармоқда.
1 декабрдан бошлаб Yandex го хизмати Ўзбекистон Республикаси ҳудудида солиқ резиденти – “YandexGo UB” МЧЖ юридик шахс томонидан тақдим этилмоқда. Бу ҳақда Давлат солиқ қўмитаси хабар берди.
Энди Yandex Go хизмати ўз ҳисоб-китобларини Ўзбекистон Республикаси қонунчилиги талаблари асосида юритади, бирламчи ҳужжатларни ва солиқ ҳисоботларини тақдим этади ҳамда белгиланган солиқларни тўлайди.
Шу билан бирга, Yandex Gо хизматини фискал маълумотлар оператори билан интеграциялаш бўйича ишлар якунланди.
Ўзини ўзи банд қилган шахслар ва юридик шахслар мазкур сервис ёрдамида ташиш хизматини кўрсатганда мижозларга фискал чек бериш масаласи кўриб чиқилмоқда.
Шу тариқа, Yandex Gо ўз фаолиятини қонун ҳужжатларига мувофиқлаштириш бўйича Солиқ қўмитаси томонидан қўйилган талабларни бажармоқда.
Шунингдек, MyTaxi ва Uklon хизматларининг фискал маълумотлар оператори билан интеграциялаш ишлари ҳам якунланган. Яқин кунларда улар орқали кўрсатилган ташиш хизматлари учун тўловларни фискаллаштириш кутилмоқда.
