Тошкентда “Саидазиз медгородок” қўлга олинди
У шаҳарда бир нечта жиноятларини сотиб этган.
Тошкентда бир нечта жиноятларни содир этган Саидалиев Саидазиз Саидагламович қўлга тушди. Бу ҳақда шаҳар ИИББ хабар берди.
Қайд этилишича, Тергов бошқармаси томонидан Жиноят кодексининг 165-моддаси («Товламачилик») билан қўзғатилган жиноят иши тергов қилинмоқда. Мазкур жиноят иши доирасида ўтказилган тергов-тезкор ҳаракатлари доирасида бир қатор жиноий ҳолатлар аниқланган.
Жумладан, Тошкент шаҳрида “Саидазиз медгородок” лақаби билан танилган, 1987 йилда туғилган Саидалиев Саидазиз Саидагламович спорт билан шуғулланган бир нечта шахсларни ўз атрофига жалб қилиб бир нечта жиноятларни содир этган. Хусусан, қарздорлик ва бошқа муаммолари бўлган шахсларни муаммоларини қонунни четлаб ўтган ҳолда ҳал қилиб бериш эвазига моддий жиҳатдан манфаатдор бўлиш, таҳдидлар йўли билан пул маблағларини ноқонуний қўлга киритиш, безорилик ва тамагирлик ҳолатлари шулар жумласидан.
Жиноят иши доирасида гумон қилинувчи S.Saidaliyev ва бошқа бир нечта шахсларга нисбатан қамоққа олиш тарзидаги эҳтиёт чораси қўлланган. Ҳозирда тергов давом этмоқда.
