Тошкентда метро яна тўхтаб қолди
Бунга йўловчиларнинг вагонга кириш ва чиқиш вақтлари меъёридан ортиб кетгани сабаб бўлган.
Кеча, 7 декабрь куни Тошкент метросида яна поезд тўхтаб қолди. Ҳолатга Тошкент метрополитени расмий изоҳ берди.
Қайд этилишича, «Пахтакор» бекатидан ҳаракатланиши лозим бўлган 26-сонли ҳаракат таркибининг вагонларига йўловчиларнинг кириш ва чиқиш вақтлари меъёридан ортиб (10 сония) кетган. Бунинг натижасида ушбу ҳаракат таркиби бекатдан белгиланган вақтдан кечроқ ҳаракатланган. Оқибатда эса ортдан келаётган 2-сонли ҳаракат таркиби белгиланган йўриқномага асосан «Пахтакор» бекатининг кириш светофорининг taqiqilovchi сигналида 27 сония вақт давомида тўхтаб турган.
26-сонли ҳаракат таркиби бекатни тарк этганидан сўнг светофорнинг рухсат берувчи кўрсаткичи ёнган ва 2-сонли ҳаракат таркиби ҳаракатни давом эттирган.
