Жиззахда фуқаро шлакли блок ишлаб чиқарувчи ускунага тушиб кетди
Ҳолат юзасидан вилоят ФВВ маълумот берди.
Жиззах вилоятида қурилиш материали ишлаб чиқарувчи мосламага тушиб кетган фуқаро ҳаёти сақлаб қолинди. Бу ҳақда вилоят Фавқулодда вазиятлар бошқармаси хабар берди.
Қайд этилишича, Жиззах шаҳар Шодлик маҳалласида фуқаро эҳтиётсизлиги оқибатида шлакли блок ишлаб чиқарувчи ускунага қисилиб қолганлиги тўғрисида Фавқулодда вазиятлар бошқармасининг Тезкор бошқарув марказига хабар тушган.
Шунга кўра зудлик билан бошқарма қутқарувчилар айтилган манзилга етиб бориб, фуқарони хавфсиз жойга олиб чиқишган ва биринчи ёрдам кўрсатишган. Маълум бўлишича фуқаро эҳтиётсизлик оқибатида ускунага тушиб кетган. Айни вақтда унинг аҳволи яхши.
