Эртага Наманганда автобуслар бепул хизмат кўрсатади
Бу шаҳар ичи йўналишидаги автобуслар учун амал қилади.
Эртага Янги йил байрами муносабати билан Наманган шаҳрида автобуслар бепул хизмат кўрсатади.
Наманган вилояти ҳокими ташаббусига асосан, Янги йил байрамида аҳолига қўшимча қулайлик яратиш мақсадида 31 декабрь куни шаҳар ичи йўналишидаги автобуслар бепул хизмат кўрсатади.
Хусусан, Наманган шаҳар йўналишида 1-сонли "3-кичик туман – Тахтакўприк", 7-сонли "Оромгоҳ – Эшобод“, 10-сонли "Хамза – Гўзал", 12-сонли "Сув хўжалиги – Чорсу", 13-сонли "Чорсу – 1-кичик туман", 18-сонли "Ирвадон – Чорсу", 21-сонли "1-кичик туман – Жаҳон бозори", 23-сонли "Ахсикент – 36-мактаб", 29-сонли "Шербулоқ – Чорсу" йўналишида ҳаракатланувчи автобуслар хизматидан йўловчилар бепул фойдаланиши мумкин.
