Британиялик машҳур актёр мурожаат билан чиқди
Стивен Фрай қирол гвардияси аскарлари қалпоқларини тайёрлашда ҳақиқий айиқ териси ишлатилишидан норози.
Британиялик машҳур актёр Стивен Фрай мамлакат ҳайвонлар фаровонлиги тарғиботчилари билан ҳамкорликда жиддий мурожаат билан чиқди.
Актёр қирол гвардияси аскарларидан ўзларининг узун қалпоқларини тайёрлашда ҳақиқий айиқ терисидан фойдаланишни бас қилишларини талаб қилмоқда.
Маълумки, қизил либос кийган аскарлар асрлар давомида шаклланган анъанага кўра, тантанали тадбирларда ўзларининг “басби” дея номланувчи бош кийимларида кўриниш беришади.
Ҳозирда актёр ҳукуматдан уларни сунъий мўйналардан тайёрланиши ва бу орқали айиқлар овланишининг тўхтатилишини сўрамоқда.
"Анъана ҳеч қачон шафқатсизлик учун баҳона бўлолмайди”, — дея таъкидлаган Стивен Фрай ўз мурожаати давомида.
