Ботаника боғида биотехнология лабораторияси очилди

 

16 январь куни Ўзбекистон Республикаси Фанлар Академияси Ботаника институти қошидаги академик Ф. Н. Русанов номидаги Ботаника боғининг биотехнология лабораториясининг очилиш маросими бўлди.

 

Биотехнология лабораторияси Ўзбекистон Республикаси Фанлар Академияси Ботаника институти негизида ташкил этилган бўлиб, Ботаника боғи коллекциясини тўлдириш учун истиқболли турларни in vitro шароитида микроклонал кўпайтириш протоколини ишлаб чиқишга мўлжалланган. Лаборатория ходимлари дунёнинг етакчи илмий ташкилотларида амалиёт ўташган. Хорижий амалиёт давомида олинган тажриба ва билимлар мамлакат манфаати ва маҳаллий илм-фан ривожига хизмат қилиши зарур.

 

Лабораториянинг техник базаси Ўзбекистон Республикаси Инновацион ривожланиш вазирлиги томонидан 2021 йилдан молиялаштирилган “in vitro усулида доривор ўсимликларни кўпайтириш ва ташкил этиш технологиясини яратиш” амалий лойиҳаси маблағлари ҳисобидан шакллантирилди. Лойиҳа доирасида Қизил китобга киритилган ўсимликлар турларини микроклонал кўпайтириш бўйича протоколлар ишлаб чиқилган, ихтиро патентлар олиш учун тўртта ариза берилган монография нашр этилган.

 

Айни пайтда лаборатория “in vitro култураларида Ботаника боғи коллекциясининг қимматбаҳо намуналарини барқарор кўпайтириш учун илмий асосларни ишлаб чиқиш давлат дастурини амалга оширмоқда, унинг доирасида ботаника боғи коллекциясидан қимматбаҳо ўсимлик турларини, Ўзбекистон флорасининг ноёб ва йўқолиб бораётган турларини, қурғоқчиликка чидамли ўсимлик турларини (манзарали, мевали, интродукция қилинган) микроклонал кўпайтириш протоколларини ишлаб чиқиш ва амалга ошириш бўйича тадқиқотлар олиб борилмоқда.