Россиядаги ЙТҲда 3 нафар ўзбекистонлик вафот этди
Яна 4 киши шифохонага ётқизилган.
Россиянинг Самара вилоятида юз берган йўл-транспорт ҳодисасида 3 нафар ўзбекистонлик фуқаро вафот этди.
ФВВнинг маълум қилишича, ЙТҲда Газель ва Ўзбекистон фуқаролари ўтирган Lada Largus автомобили тўқнашиб кетган. Жами 7 нафар Ўзбекистон фуқароларидан 3 нафари воқеа жойида вафот этган, қолган 4 нафари шифохонага ётқизилган ва тиббий муолажалар кўрсатилмоқда.
Дастлабки маълумотларга кўра, Lada Largus ҳайдовчиси орқадан келаётган Газелни пайқамаган ҳолда қайрилмоқчи бўлган.
Айни вақтда вафот этган ва жабрланган фуқароларни ватанга қайтариш чоралари кўрилмоқда.
