Тошкентда аёллар ва қизлар учун ўз-ўзини ҳимоя қилиш машғулотлари ўтказилмоқда
Иштирокчилар ўз-ўзини ҳимоя қилиш кўникмаларидан ташқари, низоларни ҳал қилиш, очиқ мулоқот ва стрессни бошқариш усулларини ўрганадилар.
АҚШ элчихонаси аёллар ва қизлар учун ўз-ўзини ҳимоя қилиш машғулотларининг Тошкентдаги янги босқичини мамнуният билан эълон қилди.
Уйда, ишда ёки кўчада бўлишингиздан қатъий назар шахсий хавфсизлик сизнинг ҳуқуқингиз бўлиши керак. Афсуски, аёл ва қизларнинг ҳар учинчиси ўз ҳаётида, аксарият ҳолларда улар таниган инсонлар томонидан, жисмоний зўравонликка учраши бунинг аксини кўрсатмоқда.
Муаммо шу қадар кенг тарқалганки, эҳтимол сизнинг атрофингиздаги кимдир – оилангиз аъзоси, қўшнингиз, ҳамкасбингиз, дўстингиз ёки ҳаттоки ўзингиз ҳам – шунга ўхшаш зўравонликларга дуч келган бўлишингиз мумкин. Афсуски, кўчадаги безорилик ва таъқиблар бутун дунё аёллари учун кундалик ҳақиқатдир.
АҚШнинг Ўзбекистондаги элчихонаси Самбо бўйича Ўзбекистон аёллар терма жамоаси бош мураббийи, жиу-житсу ва дзюдо бўйича профессионал инструкторлар, Америка психологлар ассоциацияси аъзоси бўлган профессионал психолог – АҚШ халқаро алмашинуви дастурларининг битирувчилари – билан ҳамкорликда қизлар ва аёллар ўзларини ҳимоя қилишлари учун зарур бўлган кўникмалар ва ўз-ўзига бўлган ишончни ривожлантиришга қаратилган ўз-ўзини ҳимоя қилиш бўйича ўқув дастурининг 2024 йилдаги янги раундини Тошкент шаҳрида бошламоқда.
Машғулотлар 2024 йил январь ойидан бошлаб БеФит Бох замонавий спорт залида уч ой давомида ўтказилади. Машғулотларнинг аниқ бошланиш санаси бўйича маълумот танлаб олинган барча иштирокчиларга қўшимча равишда етказилади. Иккита ёш бойъича тузулган гуруҳ тайинланади, ҳар бир гуруҳ иштирокчилари сони 30 кишидан ошмайди.
Иштирокчилар ўзларини жисмоний зўравонликдан ҳимоя қилиш, яхши жисмоний ҳолат ва осойишталикни сақлаш учун бир қатор техника ва машқларни ўрганадилар.
Иштирокчилар ўз-ўзини ҳимоя қилиш кўникмаларидан ташқари, низоларни ҳал қилиш, очиқ мулоқот ва стрессни бошқариш усулларини ўрганадилар.
