Бошланган ҳафтада ёғингарчилик кузатиладими?
Ҳафта давомида кузатиладиган об-ҳаво ҳақида Ўзгидромед хабар берди.
23-24 январь кунлари илиқ ҳаво кириб келиши давом этади, республика ҳудудининг катта қисмида қуёшли va очиқ ҳаво кузатилади. 24 январда республиканинг шимоли-ғарбий ҳудудларига Волга бўйи ҳудудларидан нам va совуқ ҳаво массалари кириб келиши бошланади. Қорақалпоғистон Республикаси, Хоразм, Бухоро, Навоий вилоятларида баъзи жойларда ёғингарчилик (ёмғир, қор) бўлади. Республика ҳудудининг катта қисмида 23-24 январь кунлари ҳарорат кечалари 2-5о илиққача, кундуз кунлари 12-15о илиққача кўтарилади, шимолий ҳудудларда эса 24 январда кундузги ҳарорат 2-7о совуққача пасаяди.
25 январда нам va совуқ ҳаво массалари мамлакатимизнинг барча ҳудудларини қамраб олади, республика bo‘yicha ёғингарчилик (ёмғир, қор) бўлади. Ҳарорат кундузи 4-9о илиққача пасаяди, шимолий ҳудудларда кечаси 6-11о совуқни ташкил этади, кундузи 2-7о совуқдан ошмайди.
26 январда республика ҳудудининг катта қисмида ёғингарчилик бўлиши эҳтимоли сақланиб туради, шимоли-ғарбий ҳудудларда эса ёғингарчилик тўхтайди. Ҳарорат кечаси 2о совуқ-3о илиқ, кундузи 3-8о илиқ, шимолда кечаси 6-11о совуқ, кундузи 0-5о совуқ атрофида бўлади.
