АҚШ Ироқдаги жангариларга жавоб қайтарди
Бу ҳақда Пентагон раҳбари баёнот берди.
АҚШ Ироқдаги америкалик хизматчиларга уюштирилган ҳужумларга жавобан Ироқдаги Эрон томонидан қўллаб-қувватланадиган жангариларга тегишли объeктларга зарбалар берди. Бу ҳақда Пентагон раҳбари Ллойд Остин маълум қилди.
“АҚШ кучлари Ироқдаги Эрон томонидан қўллаб-қувватланадиган “Катаиб Ҳизбуллоҳ” ва бошқа гуруҳлар томонидан фойдаланиладиган учта объектга керакли ва мутаносиб равишда зарбалар берди”, — дейилади унинг баёнотида.
Зарбалар Ироқ ва Суриядаги АҚШ ва коалиция ҳарбийларига қилинган қатор ҳужумларга жавоб сифатида амалга оширилган.
Маълумот учун, октябр ойи ўрталаридан буён кўплаб мамлакатларда тақиқланган “Исломий давлат” жангари гуруҳига қарши кураш коалициясининг бир қисми бўлган Америка ва иттифоқчи кучлари Ироқ ва Сурияда 150 дан ортиқ ҳужумга учраган.
