Муаллифлик ва турдош ҳуқуқларни қачон, ким ҳимоя қилади?

 

Бугун ижодкорлар ва шоу бизнес юлдузлари ўртасида муаллифлик ҳуқуқи бўйича низолар тез-тез кўзга ташланяпти. Интеллектуал мулк объекти ҳисобланган фан ва адабиёт, санъат асарлари, фильмлар, фонограммалар интернет туфайли ҳамманинг “қўли етадиган” “матоҳ”га айланди.

 

“Интеллектуал мулк соҳасини янада ривожлантиришга оид қўшимча чора-тадбирлар тўғрисида”ги Президент қарори ҳамда 2022-2026 йилларда Ўзбекистон Республикасида интеллектуал мулк соҳасини ривожлантириш стратегиясини 2022-2023 йилларда амалга ошириш бўйича "ЙЎЛ ХАРИТАСИ"нинг тегишли бандларида белгиланган вазифалар ижросини таъминлаш мақсадида “Интеллектуал мулк ҳамда муаллифлик ва турдош ҳуқуқлар муҳофазаси, ушбу масалаларнинг медиа-маконда ёритилиши” мавзуидаги семинар ташкил этилди.

 

 

АОКА ҳамда Адлия вазирлиги ҳузуридаги Юристлар малакасини ошириш маркази томонидан ташкилланган ўқув семинарида турдош ҳуқуқлар ва ҳаммуаллифлик масалаларига журналистик ёндашувнинг ўзига хос жиҳатлари; журналистика фаолияти ва муаллифлик ҳуқуқи; телевидение, радио ҳамда интернетда муаллифлик ҳуқуқи; фотожурналистнинг муаллифлик ҳуқуқи; мақола, интервью ва теледастурга бўлган муаллифлик ҳуқуқи; аудиовизуал асар муаллифларининг ҳуқуқлари; асардан қонунга мувофиқ равишда фойдаланиш; даврий нашрларда муаллифлик ҳуқуқи бузилишининг таҳлили; журналистикада муаллифлик ҳуқуқи объектлари; ОАВда асарлардан эркин фойдаланиш, бошқа муаллифларнинг асарларини ОАВ ёритиш масалалари; эфир ва кабел орқали узатишни ташкиллаштиришнинг ҳуқуқий асослари ҳамда миллий контент яратиш тамойиллари каби мавзуларда маърузалар тингланди ва савол-жавобли баҳс-мунозаралар бўлиб ўтди.

 

 

 

 

Хусусан, давлатимиз раҳбарининг Хавфсизлик Кенгашининг кенгайтирилган йиғилишида таъкидлаб ўтган Ўзбекистон ахборот маконида миллий контент яратиш зарурати ва талаби юзасидан журналистларга амалий ва назарий жиҳатдан асослаб берилди. 

 

Семинар якунида қатнашчиларга сертификатлар топширилди.