Таниқли ўзбек футболчиси вафот этди
Спортчи "Пахтакор"да тўлиқ 10 мавсум ўйнаган.
Ўтмишдаги таниқли футболчилардан бири, мураббий сифатида кўплаб шогирдлар етиштирган Владимир Штерн 82 ёшида вафот этди.
Владимир Штерн "Пахтакор"да тўлиқ 10 мавсум ўйнаб, мавсум клуб шарафини ҳимоя қилганлардан биридир.
Владимир Штерн катта спорт йўлини машҳур мураббий Сергей Арутюнов қўл остида "Пахтакор" мактабида бошлаган. 1960 йили эса Биродар Абдураимов ва Дмитрий Ан қатори "Пахтакор" ўринбосарлар жамоаси сафига қўшилади. Кейинчалик Штерн "Пахтакор"нинг асосий ҳимоячисига айланади.
Штерн футболчилик фаолиятидан кейин футбол мактабларида ишлади. Хусусан, 20 йил давомида Геннадий Красницкий номидаги болалар ва ўсмирлар мактабига раҳбарлик қилди.
