Тошкент вилоятида "кўмилган" гиёҳвандлик моддалари фош этилди
Бу ҳақда вилоят божхона бошқармаси маълум қилди.
Тошкент вилояти божхона бошқармаси Контрабандага қарши курашиш бўлими ходимлари томонидан, ДХХ ва ИИВ тезкор ходимлари билан ҳамкорликда Тошкент шаҳри ва вилоят ҳудудида тезкор тадбир ўтказилди.
Тадбир давомида, “Ғишткўприк” чегара божхона постида аниқланган ҳолатда қўшни давлатдан олиб кирилган “тупроқ зичловчи” ускуна ичида хуфиёна тарзда яширилган 5 дона ўрамларда оғирлиги 1084 гр. синтетик гиёҳвандлик воситалари аниқланди.
Фуқаро кўрсатмасига асосан, ҳолатга алоқадор бўлган шахснинг вақтинчалик яшаш хонадони кўздан кечирилганида, ушбу фуқаро ўз ихтиёри билан кир ювиш машинаси ичида 11 дона зип пакетларда ва ошхонасидаги чойнак ичида 18 дона зип пакетларга солинган, ҳамда 1 дона тамаки маҳсулоти ичида жами 60,69 гр. синтетик гиёҳвандлик воситалари борлиги аниқланди.
Сўнг, фуқаронинг кўрсатмасига асосан ўзи томонидан муқаддам Тошкент вилояти Нурафшон-Ўртасарой йўлидан дала майдонидаги дарахт остига кўмиб қўйилган 1 дона ўрамдаги 1033 гр. синтетик гиёҳвандлик моддаси борлиги аниқланди.
Ҳозирда ҳолат юзасидан суриштирув ишлари давом этмоқда.
