Ираклий Гарибашвили Грузия бош вазири лавозимини тарк этди

 

Қарор ҳукмрон “Грузия орзуси” партияси сиёсий кенгашида қабул қилинган бўлиб, 1 феврал куни бўлиб ўтадиган партия қурултойида расман эълон қилинади.

 

“Сиёсий жамоамиз кучини таъминловчи энг муҳим омиллардан бири бу ички демократия бўлиб, унинг энг яққол ифодаси ротация тамойилидир. Жамоада муваффақиятли раҳбарлар кўп, бошқаларга ҳам имконият бериш керак”, — дейди у.

 

Гарибашвилининг таъкидлашича, "Грузия орзуси" партияси энди кузда бўлиб ўтадиган парламент сайловларида "ишончли" ғалабага тайёргарлик кўриши керак.

 

Гарибашвили сиёсий кенгашдан "Грузия орзуси" раислиги лавозимини эгаллаш таклифини олди. Грузия матбуотига кўра, партиянинг амалдаги раҳбари Ираклий Кобахидзе бош вазир лавозимида Гарибашвилини алмаштиради.

 

Бошқарувдаги ўзгаришлар партия асосчиси Бидзина Иванишвили Грузия сиёсатига қайтганидан бир ой ўтиб содир бўлди.

 

Ҳукумат танқидчилари томонидан Грузиянинг "норасмий ва якка ҳукмронликда" айбланаётган Иванишвили 30 декабрь куни партиянинг фахрий раиси бўлди.

 

Шу куни партиянинг янги низоми тасдиқланди, унга кўра фахрий раис сиёсий кенгашга бош вазир номзодини тақдим этиши мумкин.